Ngut

Ndërsa ti merresh me punë, jeta nxiton.

Seneka
Tema Jetë, Ngut, Punë

E mira përvetësuar me nxitim, bën dëm.

Niccolò Tommaseo
Tema Dëm, E mira, Ngut

Sa më shumë nxitohesh, aq më pak ecën përpara.

John Heywood
Tema Ngut, Përparim

Shkaqet që i nxisin të rinjtë të martohen me nxitim, pas martesës tregojnë se nxitimi sjell dëshpërim.

John Heywood
Tema Dëshpërim, Martesë, Ngut

Bota ecte më mbarë kur udhëtonim me pajton; sot edhe një shitës fluturon. Ç’vlerë ka koha e fituar, kur trurin e kemi lënë rrugës?

Karl Kraus
Tema Aksident, Botë, Ngut

Mos u nxito, nëse do që dashuria jote të zgjasë.

Jim Morrison
Tema Dashuri, Ngut

Vendimet e nxituara duken joshëse në fillim, por janë të vështira në zbatim dhe të trishta në përfundim.

Tit Livi
Tema Ngut, Vendim, Zbatim

Kush nuk nxiton, i ka gjërat të qarta; nxitimi është i verbër dhe i pamend.

Tit Livi
Tema Ngut, Qartësi

Krimi përfiton nga nxitimi, vendimet e mira forcohen me kohën.

Taciti
Tema Krim, Ngut, Vendim

Dikur mirëqenia ishte një mit, një ëndërr drejtësie; sot jo, ajo është vetëm një dëshirë e menjëhershme. Dhe mitet me afat të shkurtër nuk e ndezin më fantazinë. Një rebel, tani, qetësohet sapo të pushtojë banjën e tij.

Leo Longanesi
Tema Drejtësi, Mirëqenie, Ngut, Rebelim

Nguti bën më shumë dëme se breshëri.

Luciano De Crescenzo
Tema Dëm, Ngut

Kalon koha mbi kohën, por aspak mos u tut; duket se vrapon si era, por koha nuk ka ngut.

Fabrizio De André
Tema Kohë, Ngut

Natyra nuk ka ngut, e megjithatë gjithçka realizohet.

Laozi
Tema Natyrë, Ngut, Realizim

Drejtësia nuk vihet në lëvizje nga nxitimi, siç besojnë pseudo-apostujt, dhe drejtësia e Zotit ka shekuj të tërë në dispozicion.

Umberto Eco
Tema Drejtësi, Ngut, Zot

Nxitimi: ky është vesi i ri dhe i vërtetë i kohëve tona.

Paul Morand
Tema Ngut, Ves

Mendohuni dy-tre herë para se të bëni një herë. Gjithmonë pendohemi për gjërat që bëjmë me nxitim.

Théognis
Tema Mendim, Ngut, Pendim, Veprim

Punët mbarohen me durim: ai që nxiton, rrokulliset në hon.

Saadiu
Tema Durim, Fatkeqësi, Ngut, Punë

Çdo gjë që bëhet me nxitim, shpejt do të ketë mbarim.

Saadiu
Tema Fund, Ngut

Mos u ngut kurrë tepër në çështje pazaresh.

Stendhal
Tema Marrëveshje, Ngut

Një reflektim i qetë, sa më i qetë, është shumë më i mirë se vendimet e dëshpëruara.

Franz Kafka
Tema Ngut, Reflektim