Botë

"Bind sa më shumë njerëz që të mundesh dhe bota do të ndryshojë!" është motoja e çdo veprimtarie të natyrës morale.

Marco Maurizi
Tema Bindje, Botë, Moral, Ndryshim

Shpëtoni botën. Hani vetëm mish njeriu.

Guido Ceronetti
Tema Aforizma argëtuese, Botë, Mishngrënës

Bota është libri ku Mendja e Përjetshme shkroi konceptet e veta.

Tommaso Campanella
Tema Botë, Koncept, Mendje

Nuk ka asnjë arsye pse njeriu t’ia tregojë jetën e vet botës. Bota nuk kupton.

Oscar Wilde
Tema Botë, Jetë, Të tjerët, Vetvetja

Ja çfarë nuk shkon me botën: budallenjtë nuk e dinë se janë budallenj.

George Bernard Shaw
Tema Aforizma argëtuese, Botë, Budalla

Më mirë të jesh i pabesë ndaj gjithë botës sesa ndaj vetvetes.

Gandi
Tema Botë, Pabesi, Vetvetja

Detyrat ndaj vetes, familjes, kombit dhe botës janë të lidhura me njëra-tjetrën. Nuk mund t’i shërbesh kombit duke dëmtuar veten ose familjen. Po aq pak mund t’i shërbesh kombit duke dëmtuar botën.

Gandi
Tema Botë, Detyrë, Familje, Komb, Vetvetja

Çdo brez pandeh se i takon atij ta krijojë botën.

Albert Camus
Tema Botë, Brez

Bota është shumë e bukur, sepse është vepër e Zotit.

Talesi i Miletit
Tema Botë, Bukuri, Zot

Bota është pa dyshim një makinë e mrekullueshme; prandaj në botë ekziston një inteligjencë e mrekullueshme, kudo që të jetë ajo.

Volteri
Tema Botë, Mrekulli, Zot

Askush nuk merret me punët e botës pa u prekur sadopak nga lakmia.

Joseph Joubert
Tema Botë, Lakmi, Të tjerët

Ëndrrat e bukura për botën janë si shkëndijë që flakërojnë mbi akull.

Xavier Forneret
Tema Akull, Botë, Ëndërr

Bota është një xhelat që nuk e përgatit zemrën që godet.

Xavier Forneret
Tema Botë, Xhelat, Zemër

Më në fund po largohem nga kjo botë, ku zemra ose copëtohet, ose ngurtësohet.

Nicolas Chamfort
Tema Botë, Dhimbje, Mizori

Dashuria ka triumfuar mbi botën; këtë e dëshmon fakti se ajo i përgjigjet të keqes me të mirë.

Søren Kierkegaard
Tema Botë, Dashuri, E keqja, E mira, Triumf

Çdo kulturë dhe çdo epokë ka mënyrën e vet të parapëlqyer për të perceptuar dhe njohur botën, dhe priret t’ua imponojë atë të gjithëve.

Marshall McLuhan
Tema Botë, Imponim, Njohje

Bota mund të mos jetë veçanërisht e mençur; megjithatë nuk njohim asgjë më të mençur se ajo.

Samuel Butler
Tema Botë, Mençuri

Qielli zemërohet me ne për mëkatet tona; bota për virtytet tona.

Moritz Gottlieb Saphir
Tema Botë, Mëkat, Virtyt

Bota ecte më mbarë kur udhëtonim me pajton; sot edhe një shitës fluturon. Ç’vlerë ka koha e fituar, kur trurin e kemi lënë rrugës?

Karl Kraus
Tema Aksident, Botë, Ngut

Gjithmonë ka qenë kështu dhe kështu do të jetë gjithmonë: koha dhe bota, paratë dhe pushteti u përkasin të vegjëlve dhe sipërfaqësorëve, ndërsa të tjerët, njerëzit e vërtetë, nuk do të kenë asgjë.

Hermann Hesse
Tema Botë, Para, Pushtet