Krim

Për sytë e dështimit, suksesi është një rastësi që ngjall dyshimin për krim.

Ambrose Bierce
Tema Dështim, Dyshim, Krim, Sukses

Të guximshëm dhe shpirtmëdhenj duhen quajtur ata që e zmbrapsin padrejtësinë, jo ata që e bëjnë.

Ciceroni
Tema Guxim, Krim, Padrejtësi

Kur shpallet një amnisti e madhe, ka nga ata që pendohen që nuk kanë kryer në kohën e duhur ndonjë krimth që nuk do t’u kushtonte asgjë.

Giovanni Papini
Tema Amnisti, Krim, Pendim

Asnjë krim nuk është vulgar, por çdo vulgaritet është krim. Vulgariteti është sjellja e të tjerëve.

Oscar Wilde
Tema Krim, Të tjerët, Vulgaritet

Ligjet janë si rrjetat e merimangave: kapin mizat e vogla, por grerëzat e mëdha çajnë përmes tyre.

Jonathan Swift
Tema Krim, Ligj

Rrjetat e merimangave kapin mizat, por grerëzat i lënë të ikin.

Soloni
Tema Krim, Madhësi, Vogëlsi

Kam parë plot dënime më kriminale se vetë krimi.

Michel de Montaigne
Tema Krim, Ndëshkim

Varfëria e bën krimin të duket një gjë të vogël.

Nicolas Chamfort
Tema Krim, Varfëri, Vogëlsi

Nëse varfëria është nëna e krimeve, mungesa e gjykimit është babai i tyre.

Jean De la Bruyére
Tema Gjykim, Krim, Varfëri

Mosndëshkimi i krimit e vjetron dhe e rrënon shtetin brenda ditës.

Salvator Rosa
Tema Krim, Ndëshkim, Shtet

Asnjë dënim nuk ka pasur kurrë fuqi të mjaftueshme shtytëse për të parandaluar kryerjen e krimeve.

Hannah Arendt
Tema Krim, Ndëshkim, Parandalim

Asnjë krim nuk ka justifikim.

Tit Livi
Tema Justifikim, Krim

Krimi përfiton nga nxitimi, vendimet e mira forcohen me kohën.

Taciti
Tema Krim, Ngut, Vendim

Krimet më të rënda nisin me rrezik, por përfundojnë me shpërblim.

Taciti
Tema Krim, Rrezik, Shpërblim

Në një shtet të mirëqeverisur ka pak ndëshkime, jo sepse jepen shumë falje, por sepse ka pak kriminelë; kur shteti është në dekadencë, numri i madh i krimeve ua siguron kriminelëve pandëshkueshmërinë.

Jean-Jacques Rousseau
Tema Krim, Ndëshkim, Qeverisje, Shtet

Na është dhënë vetëm një jetë, një e vetme, e vogël dhe e shkurtër. Dhe ne, në mënyrë kriminale, ose ia dorëzojmë mitralozit të të tjerëve, ose e përlyejmë në përballje të ndyra kriminale.

Aleksandër Sollzhenjicin
Tema Jetë, Krim, Luftë

Ideologjia!.. Pikërisht ajo ia jep justifikimin e kërkuar veprimit kriminal, dhe forcën e duhur kriminelit.

Aleksandër Sollzhenjicin
Tema Ideologji, Justifikim, Krim

Që të kryejë një krim, njeriu më parë duhet ta ndiejë atë si diçka të mirë, apo si një veprim të arsyetuar dhe të ligjshëm.

Aleksandër Sollzhenjicin
Tema E mira, Krim, Ligjshmëri

Ku ka ligj… atje ka edhe krim.

Aleksandër Sollzhenjicin
Tema Krim, Ligj

Varfëria s’është krim. Po të ishte, njerëzit s’do të kishin turp prej saj. Varfëria është një gabim, dhe ndëshkohet si i tillë.

Jerome K. Jerome
Tema Gabim, Krim, Turp, Varfëri