Bujari

Mendjet nuk fitohen me armë, por me dashuri dhe bujari.

Baruch Spinoza
Tema Armë, Bujari, Dashuri, Mendje

Dhimbja u ka frymëzuar njerëzve më shumë fjalë të fuqishme dhe veprime bujare sesa gëzimi.

Niccolò Tommaseo
Tema Bujari, Dhimbje, Frymëzim, Gëzim

Kur s’të japin gjë në shtëpinë e të pasurit, në shtëpinë e të varfrit diçka të japin. Ata që kanë shumë, shpesh janë koprracë; ata që kanë pak janë gjithmonë dorëdhënës.

Oscar Wilde
Tema Bujari, Koprraci, Pasuri, Varfëri

Ajo që duket si bujari, shpesh nuk është veçse ambicie e maskuar, e cila përbuz interesin e vogël për t’iu kushtuar interesit më të madh.

François de La Rochefoucauld
Tema Ambicie, Bujari, Interes

Në këtë botë, të mirët dhe bujarët nuk e marrin gjithmonë shpërblimin që u takon.

Tommaso Landolfi
Tema Bujari, Mirësi, Shpërblim

Bujaria është pothuajse gjithmonë fryt i sensit praktik për t’i hequr vetes një mendim nga koka.

Aldo Busi
Tema Bujari, Rehati

Bujaria nuk ka qenë kurrë një mall i rrallë ndër ato fuqitë që kanë dashur të zgjerojnë hegjemoninë e tyre.

Noam Chomsky
Tema Bujari, Sundim

Njeri! puno, mos pusho kurrë, dhe lark nga makutërija. Zëmërën kije të gjerë, mos ki keq, t’ep Perëndija.

Naim Frashëri
Tema Babëzi, Bujari, Punë, Zot

Asgjë nuk është më e lëvdueshme se bujaria, por nuk duhet tepruar.

Jean-François Paul de Gondi
Tema Bujari, Lëvdatë

Kushdo që, në dëm të tij, do të bëjë një vepër fisnike dhe bujare, meriton një kurorë më të praruar se ai që ka fituar mijëra beteja.

John Pomfret
Tema Bujari, Dëm, Fisnikëri, Lëvdatë, Vetvetja

I përuluri ka gjithçka për të fituar, ndërsa krenari ka gjithçka për të humbur; sepse modestia gjen gjithmonë bujarinë, ndërsa krenaria gjen gjithmonë zilinë.

Antoine de Rivarol
Tema Bujari, Fitore, Humbje, Krenari, Përulësi, Zili

Kur dikush të kërkon bukë, ndaje koren e fundit me të, bija ime. Më mirë të jeni bashkë pak të uritur, se të ngopesh vetëm.

Shqiptar Oseku
Tema Bujari, Empati, Ndarje

Atë që jeton mes pasurive, pa bërë asgjë të bukur dhe bujare, nuk do ta quaj të pasur, por thjesht rojtar të pasurisë.

Euripidi
Tema Bujari, Mburojë, Pasuri

Jo rrallë në politikë, urtësia më e madhe është zemërgjerësia; një perandori e madhe nuk përputhet shumë me mendjet e ngushta.

Edmund Burke
Tema Bujari, Politikë

Zemërgjerësia në gjykim është forma më e keqe e indiferencës.

Pierre Veber
Tema Bujari, Gjykim, Indiferencë

Bujaria nuk ka nevojë për rrogë: ajo është shpagimi i vetvetes.

Hypolite de Livry
Tema Bujari, Shpagim

O njeri i xhepave të qepur, askush nuk jep asgjë për sytë e tu të bukur: njëra dorë lan tjetrën, prandaj, nëse dëshiron të marrësh, jep.

Gëte
Tema Bujari, Dhënie, Koprraci, Marrje

Mos qoftë i varfër kush është bujar! Mos qoftë i pasur kush është zuzar!

Saadiu
Tema Bujari, Keqbërës, Pasuri, Varfëri

Jini të drejtë para se të tregoheni bujar.

James Joyce
Tema Bujari, Drejtësi

Bujaria dhe altruizmi janë dy nga karakteristikat më të mira të racës njerëzore, që mund t’i ndeshim edhe tek kriminelët më të këqij.

José Saramago
Tema Altruizëm, Bujari, E mira, Kriminel, Njeri