Shkencë

Shkenca gabon gjithmonë. Ajo nuk zgjidh kurrë një problem pa krijuar edhe dhjetë të tjerë.

George Bernard Shaw
Tema Gabim, Problem, Shkencë, Zgjidhje

Një shkencë që nuk na afron me Zotin, nuk vlen asgjë.

Simone Weil
Tema Shkencë, Zot

Shkenca dhe feja pajtohen vetëm te njerëzit e mirë dhe të arsyeshëm, por askund tjetër.

Samuel Butler
Tema Arsye, Fe, Pajtim, Shkencë

Vetëm dinakët dhe mashtruesit mund të ngrihen kundër përparimit të shkencës dhe të përpiqen t’i diskreditojnë, sepse vetëm ata dëmtohen prej saj.

Frederiku i Madh
Tema Dinakëri, Mashtrim, Shkencë

As logjika absolute, as shkenca nuk mjaftojnë për të vlerësuar gjithçka; askush nuk zotëron përgjigje për çdo gjë.

Kurt Cobain
Tema Logjikë, Përgjigje, Shkencë

Logjika është e vetmja shkencë që mund të japë njëfarë të mire të sigurt.

Alberto Savinio
Tema Logjikë, Shkencë

Shkenca, në vetvete, nuk përbën aspak garanci për mençuri dhe njerëzi.

Ernesto Galli della Loggia
Tema Shkencë

Sado të mëdha të jenë sukseset e dijes, ekzistojnë mistere, para të cilave shkenca prapset.

Boris Pasternak
Tema Dituri, Mister, Shkencë, Sukses

Udhërrëfyesi më i mirë në jetë është shkenca.

Mustafa Kemal Atatürk
Tema Shkencë, Udhëheqje

Nuk ka përgjigje shkencore për pyetjet më të mëdha filozofike.

Amartya Sen
Tema Filozofi, Përgjigje, Pyetje, Shkencë

Televizioni është mrekullia më e madhe e shkencës në shërbim të idiotësisë njerëzore.

Barão de Itararé
Tema Idiotësi, Shkencë, Shpikje, Televizion

Në shkencën natyrore, parimet e së vërtetës duhet të konfirmohen nga vëzhgimi.

Karl Lineu
Tema E vërteta, Shkencë

Do të vijë një kohë kur bota do t’i shohë eksperimentet mbi kafshë, të bëra në emër të shkencës, ashtu siç sheh sot djegiet në emër të fesë.

Henry Jacob Bigelow
Tema Eksperiment, Kafshë, Shkencë

Shkenca është i vetmi mjet që njeriu zotëron për të dëshmuar me fakte se natyra është një libër i shkruar duke ndjekur një plan të caktuar.

Antonino Zichichi
Tema Fakt, Natyrë, Planifikim, Shkencë

Besimi në Zot është më i logjikshëm dhe më shkencor se besimi në asgjë.

Antonino Zichichi
Tema Asgjë, Besim, Logjikë, Shkencë, Zot

Shkenca nuk është vetëm të dimë çfarë duhet bërë apo mund të bëhet, por edhe të dimë çfarë mund të bëhet e që ndoshta nuk duhet bërë.

Umberto Eco
Tema E duhur, E mundur, Shkencë

Jo gjithmonë, sekretet e shkencës duhet të bien në duart e të gjithëve, sepse disa mund t’i përdorin për qëllime të këqija.

Umberto Eco
Tema E keqja, Qëllim, Sekret, Shkencë

Mund të thuhet gjithçka për mjekësinë, por s’mund të thuhet se është një shkencë e saktë.

Rosario Magrì
Tema Mjekësi, Saktësi, Shkencë

Teologjia është një shkencë e mrekullueshme, por teologët janë të mërzitshëm.

Marta Robin
Tema Shkencë, Teologji

Nuk ekziston shkenca e ekonomisë: ekziston vetëm shkenca shoqërore që aplikohet në problemet e ekonomisë.

Kenneth Boulding
Tema Ekonomi, Shkencë