Racizëm

Derisa ngjyra e lëkurës së një njeriu të mos ketë më shumë rëndësi sesa ngjyra e syve të tij, ëndrra për paqe të qëndrueshme do të mbetet vetëm një iluzion kalimtar.

Hailé Selassié
Tema Iluzion, Lëkurë, Paqe, Racizëm

Është e neveritshme që ngjyra e lëkurës së një njeriu të duket më e rëndësishme se zemra, mendja dhe shpirti i tij.

Nat King Cole
Tema Ngjyrë, Racizëm

Për fat, racizmi im nuk më lejon t’i shoh ato programe debile me tribuna elektorale.

Franco Battiato
Tema Racizëm, Zgjedhje Elektorale

Për sa kohë që do të ekzistojë koncepti i racës, do të ekzistojë edhe racizmi.

Taiye Selasi
Tema Racizëm

Femrat duan vetëm paratë. Nëse je i pasur, nuk u intereson as ngjyra e lëkurës dhe as vendi prej nga vjen.

Mario Balotelli
Tema Grua, Para, Prejardhje, Racizëm

S’do mend që është çështje raciale: me diplomë, pa diplomë, mësues, profesor, me titull, pa titull, të gjitha janë thjesht raca.

Heinrich Böll
Tema Racë, Racizëm

Njeriu nëse asht njeri, i mirë apo i keq, kryesisht paraqet vetë personin dhe jo krahinën, kombin e shtetin, sepse të gjitha krahinat, kombet e shtetet përbahen nga njerz të mirë e njerz të këqij.

Zef Pllumi
Tema Komb, Njeri, Prejardhje, Racizëm

Udhëtoni, se përndryshe bëheni racistë dhe filloni të mendoni se lëkura juaj është e vetmja që ka të drejtë.

Gio Evan
Tema Racizëm, Udhëtim

Të jetosh në botën e sotme e të jesh kundër barazisë për arsye race apo ngjyre është si të jetosh në Alaskë e të jesh kundër borës.

William Faulkner
Tema Barazi, Jetë, Racizëm

Urrejtja raciale nuk është pjesë e natyrës njerëzore, madje është çnjerëzore.

Orson Welles
Tema Racizëm, Urrejtje

Si mund të luftosh kundër racizmit e jo kundër homofobisë?

Desmond Tutu
Tema Homofobi, Racizëm

Në sjelljet e tyre kundrejt krijesave të gjalla të gjithë njerëzit dëshmojnë se janë nazistë. Moskokëçarja me të cilën njeriu bën me kafshët e tjera atë që i pëlqen është një thjeshtëzim i teorive raciste më ekstreme, parimi sipas të cilit forca është e drejtë.

Isaac Bashevis Singer
Tema Indiferencë, Kafshë, Mizori, Racizëm

Është një lloj i ri racizmi, ai që të bën të meritosh respektin falë parave të tua.

Rocco Siffredi
Tema Para, Racizëm

Indiferenca është më fajtore edhe se vetë dhuna. Është pandjeshmëria morale e atyre që kthejnë shpinën: ndodh edhe sot kundrejt racizmit apo llahtarive të tjera të botës.

Liliana Segre
Tema Dhunë, Fajtor, Indiferencë, Racizëm

Imigrimi klandestin ngjan me një marifet të shpikur nga të bardhët për t’u bërë bisht ligjeve mbi skllavërinë.

Chris Rock
Tema Mërgim, Racizëm, Skllavëri

Të njohësh ndryshimet s’është racizëm, është një detyrë që kemi të gjithë. Racizmi cakton të drejta të ndryshme për njerëz të ndryshëm. Ne mendojmë se të drejtat janë të njëjta për të gjithë njerëzit.

Giuseppe Pontiggia
Tema Ndryshim, Racizëm

Njeriu mesatar është një përbindësh, një keqbërës, një konformist, një racist, një skllavopronar.

Pier Paolo Pasolini
Tema Keqbërës, Konformist, Mesatare, Njeri, Përbindësh, Racizëm

Ne intelektualët priremi gjithmonë të identifikojmë "kulturën" me kulturën tonë; pra moralin me moralin tonë dhe ideologjinë me ideologjinë tonë. Kjo do të thotë se me këtë shprehim një lloj racizmi të pandalshëm kundrejt atyre që jetojnë një kulturë tjetër.

Pier Paolo Pasolini
Tema Ideologji, Intelekt, Kulturë, Moral, Racizëm, Të tjerët

Nuk kam asgjë kundër pederastëve, por kjo vënia e tyre në dukje gjithandej më ka ardhur në maje të hundës.

Domenico Modugno
Tema Homoseksualitet, Mërzi, Racizëm

Unë pëlqej natën, sepse natën të gjitha ngjyrat janë njësoj dhe unë jam njësoj me të tjerët.

Bob Marley
Tema Barazi, Natë, Racizëm