Frikë

Shpresa dhe frika janë të pandashme; nuk ka frikë pa shpresë, as shpresë pa frikë.

François de La Rochefoucauld
Tema Frikë, Shpresë

Ka njerëz për të cilët nuk mund të thuash se i druhen Zotit, por se kanë prej tij një... frikë djallëzore!

Denis Diderot
Tema Frikë, Zot

Dashuria është si epidemitë: sa më shumë t’i druhesh, aq më i ekspozuar je ndaj saj.

Nicolas Chamfort
Tema Dashuri, Epidemi, Frikë

Vdekja vjen vetëm një herë, por ndihet në çdo çast të jetës; është më e rëndë ta druash sesa ta pësosh.

Jean De la Bruyére
Tema Frikë, Vdekje

Njerëzimi ka frikë nga vetvetja. Ai po e sakrifikon lirinë e tij në altarin e kësaj frike.

Georges Bernanos
Tema Frikë, Liri, Njerëzim, Vetvetja

Nëse sheh dhëmbët e luanit të dalë jashtë, mos mendo se luani po të buzëqesh.

Al-Mutanabbi
Tema Egërsi, Forcë, Frikë

Ligjet funksionojnë për ata që kanë frikë prej tyre, jo për ata që i shkelin.

Elena Ferrante
Tema Frikë, Ligj

Edhe qetësia e jetës së përditshme është e brishtë si qelqi; një lloj drithërime i përshkon të gjitha gjërat dhe ne jetojmë në një univers me një hidhërim të fshehtë.

Robert Louis Stevenson
Tema Brishtësi, Frikë

Përpara se të guxojnë kundër ujqërve, delet u hakërrohen lepujve.

Elias Canetti
Tema Frikë, Guxim

Frika lind më shpejt se çdo gjë tjetër.

Leonardo da Vinci
Tema Frikë

Guximi që nuk fsheh as edhe një grimcë frike është si një biftek pa kripë.

Alberto Savinio
Tema Frikë, Guxim

Nuk kam frikë nga ata që bëjnë si të fortë; në rastin më të mirë, janë thjesht burracakë.

Nesli
Tema Forcë, Frikë

Frika të bën vetmitar.

Luciano Ligabue
Tema Frikë, Vetmi

Marramendja nuk është frikë nga rënia, por dëshirë për të fluturuar.

Jovanotti
Tema Fluturim, Frikë, Marramendje

Prandaj historia të fut të dridhurat: sepse askush nuk mund ta ndalë.

Francesco De Gregori
Tema Frikë, Histori, Ndalim

Korbi i zymtë rri ulur në buzë; nëse syri nuk sheh, frika nuk ekziston.

Vinicio Capossela
Tema Frikë

Kam disi frikë nga ata që i kanë idetë shumë të prera.

Lucio Battisti
Tema Frikë, Ide

Po të mundje ta shihje veten me sytë e mi, asgjë nuk do të të trembte më.

Niccolò Agliardi
Tema Frikë, Shikim, Sy

Të minosh pronën private do të thotë të vrasësh tek njerëzit vullnetin për të fituar më shumë, duke i bërë të druajnë se plaçkitja do të jetë përfundimi i përpjekjeve të tyre.

Ibn Halduni
Tema Frikë, Pronë, Vjedhje, Vullnet

Frika lind më shpesh nga padija sesa nga rreziku.

Vasily Klyuchevsky
Tema Frikë, Padituri, Rrezik