Vetmi

I urrej ata që më vjedhin vetminë, pa më dhënë në këmbim një shoqëri të vërtetë.

Irvin D. Yalom
Tema Shoqëri, Vetmi

Gjëja më e keqe që mund t’i ndodhë njeriut në jetë është është të jetojë me njerëz që e bëjnë të ndihet vetëm.

Bobcat Goldthwait
Tema Bashkëjetesë, Vetmi

Jetoj në atë vetmi që është e dhimbshme në rini, por e ëmbël në moshën e pjekurisë.

Albert Einstein
Tema Pleqëri, Vetmi

Vetmia dhe shoqëria duhen ndërthurur e ndërruar me njëra-tjetrën.

Seneka
Tema Shoqëri, Vetmi

Vetmia më shkretëron; shoqëria më shtyp.

Fernando Pessoa
Tema Shoqëri, Vetmi

Je vetëm. Askush nuk e di. Hesht dhe shtiru.

Fernando Pessoa
Tema Heshtje, Shtirje, Vetmi

Disa pasdite, kaltërsia e qiellit është tepër për një person të vetëm.

Lillo Gullo
Tema Qiell, Vetmi

Nëse i druhesh vetmisë, ajo të përpin. Përballoje me vendosmëri, derisa ta zotërosh: atëherë do të ndiesh pranë vetes një turmë pranish miqësore.

Fausto Gianfranceschi
Tema Frikë, Përballje, Vetmi

Njeri, nëse je vërtet dikush, ec vetëm, rri me veten dhe mos u fshih në turmë. Prano të të tallin herë pas here. Shiko përreth dhe mëso kush je.

Epikteti
Tema Dikushi, Tallje, Vetmi, Vetvetja

Sidomos kur je i detyruar të jetosh mes turmës, tërhiqu në vetvete.

Epikuri
Tema Turmë, Vetmi

Të kërkosh t’i bësh bisht vetmisë është burracakëri. Miqësia nuk kërkohet, nuk ëndërrohet, nuk dëshirohet; ajo ushtrohet. Është virtyt.

Simone Weil
Tema Frikë, Miqësi, Vetmi, Virtyt

Kur njeriu është vetëm, ecën më shpejt.

Napoleoni
Tema Ecje, Vetmi

Themelet e epokave mbahen mbi shpatullat e vetmitarëve.

Nicolás Gómez Dávila
Tema Shekull, Vetmi

Është e vështirë të dashurosh për të dy.

Robert Louis Stevenson
Tema Dashuri, Vetmi

Vetmia nuk është gjithmonë mes pyjeve dhe shkëmbinjve; i mjeri është vetëm kudo.

Xavier de Maistre
Tema Mjerim, Vetmi

Urrejtja ndaj vetes është pikërisht e njëjta gjë si egoizmi i shfrenuar dhe në fund të çon në të njëjtën vetmi mizore, në të njëjtin dëshpërim.

Hermann Hesse
Tema Egoizëm, Urrejtje, Vetmi

Lavdi të vetmuarve: ata janë më të fortët!

Ardengo Soffici
Tema Forcë, Vetmi

Nuk ka shpëtim: epshi shlyhet ose me vetmi, ose me martesë.

Marcello Marchesi
Tema Aforizma argëtuese, Epsh, Martesë, Vetmi

Çfarë ka për t’u çuditur që e dua vetminë? Në fytyrat e njerëzve nuk shoh tjetër veçse urrejtje, ndërsa natyra më buzëqesh gjithmonë.

Jean-Jacques Rousseau
Tema Natyrë, Të tjerët, Urrejtje, Vetmi

Dashuria që njerëzit e vetmuar dëshirojnë, i ndjek deri në varr; prandaj nuk duhet t’i lëmë kurrë të vetmuar.

Anastacia
Tema Dashuri, Vetmi