Frikë

Virtyti nuk është t’i druhesh jetës, siç mendoni ju, por në përballjen dhe në mosshmangien e vështirësive.

Seneka
Tema Frikë, Shmangie, Vështirësi, Virtyt

Mbret është ai që nuk ka asnjë frikë, që nuk ka asnjë dëshirë: dhe gjithkush mund t’ia dhurojë vetes këtë mbretëri.

Seneka
Tema Dëshirë, Dhuratë, Frikë, Mbret, Vetvetja

Një paqe e gjatë e kafshëron dhe e tërbon njeriun. Një paqe e gjatë ngjiz gjithmonë mizorinë, frikën, ngjiz një egoizëm të vrazhdë e të rëndë dhe një ndalim të intelektit.

Fjodor Dostojevski
Tema Frikë, Mizori, Paqe, Tërbim

Dhuna nuk mund të mos e ketë ndonjë lidhje me frikën.

Arturo Graf
Tema Dhunë, Frikë

Nuk ke pse i trembesh njeriut që mendon vazhdimisht për vdekjen.

Arturo Graf
Tema Frikë, Vdekje

Ironia është kuraja e të dobtëve dhe burracakëria e të fortëve.

André Berthet
Tema Dobësi, Frikë, Ironi

Njerëzit e kanë frikë vdekjen si fëmijët errësirën.

Francis Bacon
Tema Frikë, Vdekje

Zemërimi ngjiz urrejtjen, dhe nga urrejtja lind dhimbja dhe frika.

Agustini
Tema Dhimbje, Frikë, Urrejtje, Zemërim

As prej djallit të mallkuar, nuk jam trembur ndonjëherë, po injorancë e harbuar, më fut dridhmat dhe në verë!

Arben Duka
Tema Frikë, Injorancë

Ata që duan të jenë perëndi, askujt nuk ia kanë frikën më shumë se hyjnive të tjera të mundshme.

Salman Rushdie
Tema Frikë, Zot

Janë vazhdimisht të njëjtat joshje e të njëjtat frikëra që hedhin short mbi fatin e mëkatarëve që lëkunden në çastin e tundimit.

Robert Louis Stevenson
Tema Frikë, Joshje, Mëkat, Tundim

E mban dashurinë veç trimi hero, zuzar frikamani veç veten na do.

Saadiu
Tema Dashuri, Egoizëm, Frikë, Trimëri

Ki frikë nga njëri që frikën ta ka.

Saadiu
Tema Frikë

Njerëzit frikësohen nga errësira. Drita është një lloj sigurie.

James Joyce
Tema Errësirë, Frikë

Çështja është se kur jeni në çastin që po e bëni me një femër, ajo vazhdon të ju thotë gjatë gjithë kohës që të ndaloni. Është e vështirë të kuptohet nëse ato vërtet duan që të ndaloni, apo thjesht kanë një frikë të tmerrshme; apo ju thonë që të ndaloni, në mënyrë që, nëse vazhdoni, faji është i juaji dhe jo i tyre.

J. D. Salinger
Tema Aforizma argëtuese, Fajësim, Frikë, Grua, Kuptim, Ndalim

Ekziston një mendim sipas të cilit, frika nga martesa ndonjëherë buron nga frika se fëmijët do të na kthejnë më vonë mëkatet që ne kemi bërë ndaj prindërve tanë.

Franz Kafka
Tema Fëmijë, Frikë, Hakmarrje, Martesë, Prind

Kur qetësia e njeriut arrin ftohtësinë e statujës, atëherë kësaj duhet t’ia kesh frikën.

Victor Hugo
Tema Frikë, Qetësi

Është e nevojshme t’u sillesh pak ashpër atyre që kanë frikë. Kjo u jep zemër.

Victor Hugo
Tema Ashpërsi, Frikë, Guxim

Në terr, edhe ata më të fortët e të fortëve ndiejnë një ankth të madh në shpirt.

Victor Hugo
Tema Errësirë, Frikë, Trimëri

Askush nuk ecën vetëm në pyll natën pa u dridhur.

Victor Hugo
Tema Frikë, Natë, Vetmi