Realitet

Ekziston poezia e vërtetë në botën e vërtetë. Shkenca është poezia e realitetit.

Richard Dawkins
Tema Poezi, Realitet, Shkencë

Një ide duhet të mund të jetë realitet, përndryshe është një flluskë sapuni e kotë.

Berthold Auerbach
Tema Ide, Realitet

Lumturia dhe liria janë thjesht mohime të realitetit.

Wilhelm Busch
Tema Liri, Lumturi, Mohim, Realitet

Trupi njerëzor është thjesht paraqitje që fsheh realitetin tonë. Realiteti është shpirti.

Victor Hugo
Tema Paraqitje, Realitet, Shpirt, Trup

Realiteti është një zhurmë nga e cila arti duhet të dijë ta kthejë në një harmoni.

Arturo Graf
Tema Harmoni, Realitet, Zhurmë

Kujtesa ka një vërtetësi të veten të posaçme. Zgjedh, fshin, ndryshon, tepron, thjeshton, lartëson e poshtëron; por, në fund, krijon një realitet të vetin rreth ngjarjeve, një version të vetin, heterogjen po zakonisht koherent; dhe asnjë njeri me mend në kokë nuk i beson më shumë versionit të tjetrit se versionit të vet.

Salman Rushdie
Tema Krijim, Kujtesë, Realitet

Realiteti mund të ketë përbërës metaforikë, por kjo nuk e bën më pak real.

Salman Rushdie
Tema Realitet

Realiteti është çështje pikëpamjesh: sa më shumë të largohesh nga e shkuara, aq më e prekshme dhe konkrete të duket; sa më pranë t’i qëndrosh të tashmes, aq më e pabesueshme do të të duket.

Salman Rushdie
Tema E shkuar, E tashme, Konkret, Realitet

Pikërisht në çastet kur njeriu ka më shumë nevojë t’i lidhë me realitetin e jetës të gjitha fijet e mendimit, këto fije këputen në trurin e tij.

Victor Hugo
Tema Mendim, Realitet

Realitetet e shpirtit, edhe pse nuk janë aq të dukshme dhe aq të prekshme, nuk janë më pak realitete.

Victor Hugo
Tema Realitet, Shpirt

Tmerri i realitetit s’është asgjë krahasuar me idenë e tmerrit.

Shekspiri
Tema Ide, Realitet, Tmerr

Përveç argëtimit, asgjë tjetër nuk është reale.

Stendhal
Tema Argëtim, Realitet

Ideja apo realiteti i mjerimit na jep ndjesitë më dashamirëse.

Herman Melville
Tema Dashamirësi, Realitet

Lidershipi është aftësia për ta kthyer vizionin në realitet.

Warren Bennis
Tema Lidership, Realitet, Vizion

Realiteti është një shtëpi e vogël, që shndërrohet në burg për ata që nuk dinë se si të dalin.

Joyce Cary
Tema Burg, Realitet

Në jetën reale është gjithnjë kudhra që e then çekanin.

George Orwell
Tema Realitet, Zhgënjim

Gjëja më e tmerrshme e njerëzve është se ata nuk guxojnë të mendojnë. Po të mendonin vërtet për pasojat e realitetit ku jetojnë, ose do të vdisnin nga frika ose do të ndryshonin botën.

Harry Martinson
Tema Guxim, Mendim, Ndryshim, Pasojë, Realitet, Tmerr

Lër që ëndrrat e sotme të jenë realiteti yt i nesërm.

Prevale
Tema E ardhme, E tashme, Ëndërr, Realitet

Arti mund të na ngushëllojë, por nuk mund të bëjë asgjë kundër realitetit.

Stefan Zweig
Tema Art, Ngushëllim, Realitet

Secilës qenie njerëzore Zoti i ka dhënë lirinë dhe forcën për ta modeluar realitetin vetjak sipas gjendjes së vetëdijes vetjake.

Vadim Zeland
Tema Forcë, Liri, Realitet, Vetvetja