Vetvetja

Mund të thuash se e njeh veten me siguri vetëm kur të gjesh më shumë mangësi tek vetja se tek të tjerët.

Friedrich Hebbel
Tema Mangësi, Njohje, Vetvetja

Kuptohem lehtësisht me këdo që kupton vetveten.

Friedrich Heinrich Jacobi
Tema Kuptim, Të tjerët, Vetvetja

Në gjërat e mëdha njerëzit shfaqen si duhet të shfaqen; në gjërat e vogla shfaqen si janë në të vërtetë.

Nicolas Chamfort
Tema Madhështi, Shfaqje, Vetvetja, Vogëlsi

Lumturo veten dhe të tjerët pa lënduar as veten e as të tjerët: ja, kjo është e gjitha.

Nicolas Chamfort
Tema Kënaqësi, Lëndim, Të tjerët, Vetvetja

Mos u përpiq kurrë të gënjesh veten, mos e justifiko gabimin, dhe ki parasysh se është gjë e bukur dhe madhështore të rrëfesh gabimin tënd.

Luigi Settembrini
Tema Gabim, Gënjeshtër, Justifikim, Rrëfim, Vetvetja

Njeriu nuk duhet t’i trembet asnjë bishe në botë më shumë se vetë njeriut.

Michel de Montaigne
Tema Frikë, Njeri, Vetvetja

Të thuash për veten më pak se duhet thënë, është marrëzi dhe jo modesti; ta çmosh veten më pak se vlen është burracakëri: nuk ka virtyt që e do të pavërtetën.

Michel de Montaigne
Tema Modesti, Vërtetësi, Vetvetja, Virtyt, Vlerë

I harrojmë lehtë fajet tona, kur vetëm ne i dimë ato.

François de La Rochefoucauld
Tema Faj, Falje, Sekret, Vetvetja

Aq shumë e kemi bërë zakon të jemi hipokritë me të tjerët saqë përfundojmë duke qenë hipokritë edhe me vetveten.

François de La Rochefoucauld
Tema Hipokrizi, Të tjerët, Vetvetja

Mëkatet që kam bërë, Zoti do të m’i falë; por mëkatet që nuk kam bërë, nuk ia fal dot vetes.

Robert Hamerling
Tema Falje, Mëkat, Vetvetja

Nuk ekziston virtyt apo fitore më të bukur se të dish të komandosh dhe të pushtosh veten tënde.

Brantôme
Tema Fitore, Vetvetja, Virtyt

Ka shpifës që aq zakon e kanë shpifjen, saqë po s’patën për kë të shpifin tjetër, shpifin për veten e tyre.

Brantôme
Tema Shpifje, Vetvetja

Është marrëzi të duash të drejtosh të tjerët pa ditur të drejtosh vetveten.

Publilius Syrus
Tema Drejtim, Të tjerët, Vetvetja

Xhelozia, që duket sikur ka për objekt vetëm personin e dashur, na dëshmon më mirë se çdo pasion tjetër se ne duam vetëm vetveten.

Étienne Cœuilhe
Tema Partner, Vetvetja, Xhelozi

Mbret është ai që nuk ka asnjë frikë, që nuk ka asnjë dëshirë: dhe gjithkush mund t’ia dhurojë vetes këtë mbretëri.

Seneka
Tema Dëshirë, Dhuratë, Frikë, Mbret, Vetvetja

Të gjithë duan të jenë zotër; askush nuk do të jetë i zoti i vetes.

Gëte
Tema Aftësi, Vetvetja, Zot

Ah, sa shumë ndryshon gjykimi që kemi ndaj vetes dhe gjykimi që kemi ndaj të tjerëve.

Gëte
Tema Gjykim, Të tjerët, Vetvetja

Askush nuk është i mençur, nëse nuk është i mençur për veten e vet.

Ciceroni
Tema Mençuri, Vetvetja

Ç’i hyn në punë njeriut pushtimi i botës, nëse ai humbet shpirtin e vet?

Blaise Pascal
Tema Botë, Humbje, Pushtim, Vetvetja

Ne jemi njerëz por nuk e dimë se si: ka diçka brenda nesh që mund të jetë pa ne dhe do të jetë edhe pas nesh; ndonëse është e çuditshme që ajo që ishte para nesh nuk ka histori, nuk mund të themi as se si ajo ka hyrë brenda nesh.

Thomas Browne
Tema Brendësi, Shpirt, Vetvetja