Ndryshim

Nuk ka asgjë më jetëgjatë se ndryshimin. Nuk ka asgjë të pandryshueshme, përveç nevojës për ndryshim. Gjithçka rrjedh, asgjë nuk mbetet e pandryshuar.

Herakliti
Tema Jetëgjatësi, Ndryshim

Nuk ka realitet tjetër të qëndrueshëm përveç realitetit të ndryshimit. Qëndrueshmëria është një iluzion i shqisave.

Herakliti
Tema Iluzion, Ndryshim, Realitet

Askush nuk hyn dy herë në të njëjtin lumë, sepse ndryshon lumi e ndryshon edhe njeriu.

Herakliti
Tema Ndryshim, Njeri

Çdo çast është një mundësi për të ndërruar drejtim.

Eminem
Tema Mundësi, Ndryshim

Jeta matet nga shpejtësia e ndryshimit, nga ndikimet e njëpasnjëshme që tjetërsojnë qenien.

George Eliot
Tema Jetë, Matje, Ndryshim

Kush nuk ndryshon kurrë mendim, kurrë nuk do të jetë më i zgjuar se sot.

Tryon Edwards
Tema Mençuri, Mendim, Ndryshim

Nëse bota kështu siç është nuk të pëlqen, ndryshoje. Ke për detyrë ta ndryshosh. Mund ta ndryshosh nga pak përditë.

Marian Wright Edelman
Tema Botë, Ndryshim

Sfida më e madhe me të cilën përballet një biznes është ndryshimi.

Peter Drucker
Tema Biznes, Ndryshim, Sfidë

Edhe në qofshin njësoj gjithë të tjerët, të paktën ti ji ndryshe.

Fjodor Dostojevski
Tema Ndryshim, Njësoj

Mendimet ndryshojnë, por karakteri jo: ai thjesht zhvillohet.

Benjamin Disraeli
Tema Karakter, Mendim, Ndryshim

Ndryshimi është i pashmangshëm.

Benjamin Disraeli
Tema Ndryshim

Jeta ndryshon shpejt. Jeta ndryshon në çast. Ulesh në tavolinë dhe jeta jote nuk është më e njëjta.

Joan Didion
Tema Jetë, Ndryshim

Ndryshimet që karakterizojnë shoqëritë e botës moderne, shpjegohen mbi bazën e ndryshimeve të tipit mjedisor.

Jared Diamond
Tema Mjedis, Ndryshim

Nuk mund të bëhemi çfarë duhet të bëhemi, duke qëndruar ky që jemi.

Max DePree
Tema Ndryshim, Tjetërsim, Vetvetja

Ndryshimi nuk është i domosdoshëm. Mbijetesa nuk është e detyrueshme.

W. Edwards Deming
Tema Detyrim, Mbijetesë, Ndryshim

Ndoshta një grua nuk duhet ta mendojë veten ndryshe nga të tjerat, por një burrë nuk duhet kurrë të guxojë t’ia thotë këtë.

Virginia de Winter
Tema Burrë, Grua, Ndryshim

Krishtërimi është një kameleon i amshuar: ndryshon vazhdimisht.

Alfred de Vigny
Tema Krishtërim, Ndryshim

Progresi konsiston në ndryshim.

Miguel de Unamuno
Tema Ndryshim, Përparim

Kudo që ka njerëz, ka mendime të ndryshme, dallime ndjenjash, gjendje të ndryshme emocionale, me aq shumë varietete të përkohëshme apo të përhershme, saqë konsensusi i plotë është i pamundur, dhe nuk them mes të gjithëve apo shumë vetave, por mes një pakice, dy vetave.

Federico De Roberto
Tema Emocion, Mendim, Ndryshim

Rebelët nuk ia dalin gjithmonë të ndryshojnë botën; por bota nuk ia del kurrë të ndryshojë rebelët.

Alain de Benoist
Tema Botë, Ndryshim, Rebelim