Shqetësim

Ata që s’kanë asgjë për t’u shqetësuar, shqetësohen për hiçgjë.

Benjamin Franklin
Tema Asgjë, Shqetësim

Si ilaç kundër shqetësimeve, puna është më e mirë se uiski.

Thomas Edison
Tema Alkool, Ilaç, Punë, Shqetësim

E shkurtër dhe plot shqetësime është jeta e atyre që harrojnë të shkuarën, shpërfillin të tashmen dhe i tremben së ardhmes.

Seneka
Tema E ardhme, E tashme, Frikë, Shkurt, Shqetësim

Dashuria është plot shqetësim e frikë.

Ovidi
Tema Dashuri, Frikë, Shqetësim

Filozofia shëron shpirtin, largon shqetësimet e kota, na çliron nga dëshirat dhe dëbon frikën.

Ciceroni
Tema Dëshirë, Filozofi, Frikë, Shqetësim

Me pasurinë, shtohen shqetësimet. Me varfërinë, nuk pakësohen.

Roberto Gervaso
Tema Pasuri, Shqetësim, Varfëri

Njeriu budalla tronditet nga çdo fjalë.

Herakliti
Tema Budalla, Shqetësim

Më mirë të vdesësh nga uria, pa brengë e pa frikë, sesa të jetosh në begati, por i trazuar.

Epikteti
Tema Pasuri, Shqetësim, Uri, Vdekje

Më mirë të flesh i qetë mbi një shtrojë me gjethe, sesa të jetosh i trazuar në një shtrat floriri.

Epikuri
Tema Luks, Qetësi, Shqetësim, Varfëri

I drejti jeton i patrazuar; i padrejti jeton në trazimin më të madh.

Epikuri
Tema Drejtësi, Padrejtësi, Shqetësim

Ka raste kur më duket se gjaku në dejët e mia shërben vetëm për të më bërë merak.

Jules Renard
Tema Aforizma argëtuese, Gjak, Shqetësim

Të shqetësohesh në vështirësi, do të thotë të dyfishosh vështirësinë tënde.

Daniel Defoe
Tema Shqetësim, Vështirësi

Është e vështirë të mendosh për gjërat e rëndomta, kur trazimi i ndjenjave të ka përmbytur.

Stefan Zweig
Tema Ndjenjë, Shqetësim

Kundër pasioneve thuhet se ato janë shkaku i të gjitha shqetësimeve njerëzore, dhe harrohet se ato janë edhe shkaku i të gjitha gëzimeve njerëzore.

Denis Diderot
Tema Gëzim, Pasion, Shqetësim

Hallet e jetës na ndihmojnë të durojmë mendimin e vdekjes; dhe mendimi i vdekjes na ndihmon të durojmë hallet e jetës.

Joseph Pelet de la Lozère
Tema Shqetësim, Vdekje

Shpifja është si një grerëz që të shqetëson, e ndaj të cilit nuk duhet të bësh asnjë lëvizje nëse nuk je i sigurt se do ta mbysësh.

Nicolas Chamfort
Tema Mbrojtje, Shpifje, Shqetësim, Sulm

Koprraci i përjeton të gjitha njëherësh, shqetësimet e të pasurit dhe mundimet e të varfrit.

Albert Guinon
Tema Koprraci, Mundim, Pasuri, Shqetësim, Varfëri

Nëse dëshironi të keni një jetë të mirë, nuk duhet të shqetësoheni për të shkuarën.

Gëte
Tema E shkuar, Mirëqenie, Shqetësim

Ai që shqetësohet më shumë, punon më pak.

Arturo Graf
Tema Punë, Shqetësim

Njeriu vepron pa mend, si atëherë kur e fle mendjen, po ashtu edhe kur shqetësohet shumë; kështu është gatuar natyra njerëzore.

Victor Hugo
Tema Natyrë njerëzore, Neglizhencë, Pamendësi, Shqetësim