Mësim

Duhet të mësosh gjithçka: si zemrën e patundur të së vërtetës bindëse, ashtu edhe opinionet e vdekatarëve, në të cilat nuk ka kurrfarë sigurie të vërtetë.

Parmenidi
Tema Mësim, Opinion, Siguri, Vërtetësi

Ose historia është një mësuese e keqe, ose nxënësit e saj janë tepër gomerë; ose të dyja gjërat bashkë.

Stellario Panarello
Tema Budalla, Histori, Mësim

Secila fe i mëson njeriut të jetë i mirë. Nuk njoh asnjë të tillë që të mësojë të keqen.

Thomas Paine
Tema Fe, Mësim, Mirësi

Të lejohet të mësosh edhe nga një armik.

Ovidi
Tema Armiqësi, Mësim

Gjëja më shqetësuese është bindja se mirësjellja është një zakon i dalë mode, që s’ia vlen ta mësojmë.

Piero Ottone
Tema Bindje, Mësim, Mirësjellje, Modë, Shqetësim, Zakon

Mësimi im është i thjeshtë: jeto çast pas çasti. Lëre të shkuarën, mos e projekto të ardhmen, dhe shijoje në heshtje gëzimin dhe lumturinë e këtij çasti.

Osho
Tema Çast, E ardhme, E shkuar, Gëzim, Jetë, Mësim

Fëmijëve s’u ka pëlqyer kurrë studimi. Ata preferojnë të luajnë, e nëse i ke për zemër interesat e tyre, do t’i lësh të mësojnë ndërkohë që luajnë. Do të zbulojnë se ajo që janë të aftë të bëjnë është një lojë fëmijësh.

Carl Orff
Tema Aftësi, Fëmijë, Lojë, Mësim, Studim

Gjyshi im më mësoi drejtësinë e ndershmërinë. Po të kisha pasur një gjysh ndryshe, ndoshta tani do të isha deputet.

Flavio Oreglio
Tema Aforizma argëtuese, Drejtësi, Gjyshër, Mësim, Ndershmëri, Politikë

Nuk jam i detyruar të besoj mësimet e asnjë mjeshtri.

Horaci
Tema Besim, Detyrim, Mësim

Çfarëdo që të shpjegosh, ji konciz; në mënyrë që mendjet e gatshme ta kuptojnë shpejt dhe ta ruajnë më lehtë.

Horaci
Tema Koncept, Konçiz, Mësim, Shkurt

Vetëm kush nuk ka kureshtje për të mësuar, është i vjetër.

Ugo Ojetti
Tema Kureshtje, Mësim, Pleqëri

Të mësosh është kënaqësi, por të bësh është kulmi i argëtimit.

Novalis
Tema Argëtim, Mësim

Nganjëherë gabimi është e vetmja mënyrë për të mësuar.

Nick Nolte
Tema Gabim, Mësim

Nuk mund të mësosh të vuash më pak, por mund të mësosh të durosh më shumë.

Anaïs Nin
Tema Durim, Mësim, Vuajtje

Nëse hesht për një vit, harron të dërdëllisësh dhe mëson të flasësh.

Friedrich Nietzsche
Tema Heshtje, Mësim, Të folurit

Më është dashur gjithë jeta që të mësoj të lutem një çerek ore.

John Henry Newman
Tema Lutje, Mësim

Fëmijët nuk kanë nevojë për mësime, por për dashuri dhe mirëkuptim. Për të qenë të mirë në mënyrë të natyrshme, kanë nevojë të ndihen të miratuar e të lirë.

A. S. Neill
Tema Dashuri, Fëmijë, Mësim, Mirëkuptim

Të fortët bëjnë po aq gabime sa të dobëtit. Ndryshimi është se të fortët i pranojnë ato, qeshin me to, mësojnë prej tyre. Kjo është mënyra sesi bëhen të fortë.

Richard J. Needham
Tema Dobësi, Forcë, Gabim, Mësim, Pranim

Mësimdhënia është si ushqimi: zotëruesi i tij është ai që e shpërndan.

Grigor Teologu
Tema Mësim, Ushqim

Satira është një mësim, parodia është një lojë.

Vladimir Nabokov
Tema Humor, Lojë, Mësim, Satirë