Marrëzia jonë është e qartë: e quajmë pagesë vetëm atë që bëjmë me para, dhe e quajmë falas atë që paguajmë me vetveten. Tema Falas, Marrëzi, Pagesë, Vetvetja
Një udhëtim mbetet i papërfunduar nëse ndalon në gjysmë të rrugës ose para pikës së caktuar; jeta nuk është kurrë e paplotë, nëse është virtuoze. Tema Jetë, Udhëtim, Virtyt
Disa jepen pas kënaqësive dhe, pasi mësohen, nuk bëjnë dot pa to. Janë të mjerë, sepse gjërat e tepërta u bëhen të domosdoshme. Nuk i shijojnë kënaqësitë: janë skllevër të tyre. Tema Kënaqësi, Palumturi, Skllavëri
Jeto me njerëzit sikur Zoti të të shikonte. Fol me Zotin sikur njerëzit të të dëgjonin. Tema Njerëzim, Zot
Pleqëria ndjek rininë e vdekja ndjek pleqërinë. Kush nuk do të vdesë, nuk do as të jetojë. Tema Jetë, Pleqëri, Rini, Vdekje
Ajo që kërkon natyra është e lehtë për t’u siguruar; djersitemi për gjërat e tepërta. Tema Kotësi, Mundim, Nevojë
Nëse do që të të nënshtrohet çdo gjë, nënshtroju arsyes: do të jesh prijës i shumë vetave nëse arsyeja do të të prijë ty. Tema Arsye, Drejtues, Nënshtrim
Po qe burrë, ki respekt për atë që ndërmerr nisma të mëdha, edhe në qoftë se ai dështon. Tema Dështim, Respekt, Sipërmarrje
Kufiri më i mirë i parasë është se ajo nuk na lejon të biem në mjerim dhe as të shkëputemi shumë prej tij. Tema Mjerim, Para
I palumtur nuk është ai që zbaton një urdhër, por ai që e zbaton kundër vullnetit të vet. Le të përpiqemi pra, që të dëshirojmë atë që rrethanat kërkojnë. Tema Palumturi, Urdhër, Vullnet
Është më e vështirë të mposhtësh vetveten sesa armikun. Tema Armiqësi, Mposhtje, Vështirësi, Vetvetja
Askush nuk është aq i vjetër sa për të mos shpresuar edhe një ditë më shumë nga jeta. Edhe një ditë e vetme është një çast i jetës. Tema Çast, Jetë, Pleqëri, Shpresë
