Mirënjohje

Për të gjetur një njeri mirënjohës, ia vlen të provojmë edhe mosmirënjohjen.

Seneka
Tema Gjetje, Mirënjohje, Mosmirënjohje

Janë gjithmonë femrat ato që zgjedhin. Meshkujve s’u mbetet tjetër veçse të jenë mirënjohës, nëse kanë fatin të jenë të zgjedhurit e tyre.

Salman Rushdie
Tema Burrë, Grua, Mirënjohje, Zgjedhje

Mirënjohja është parajsa vetë.

Rumi
Tema Mirënjohje, Parajsë

Mirënjohjen e ka secili për detyrë, por askush nuk ka të drejtë ta kërkojë.

Jean-Jacques Rousseau
Tema Detyrë, Dhënie, Kërkim, Mirënjohje

E mira është bërë në mënyrën më të mirë, kur ai që e ka marrë e mban mend.

Publilius Syrus
Tema E mira, Kujtesë, Mënyrë, Mirënjohje

Mirënjohës janë ata që kanë ende diçka për të kërkuar.

Pitigrilli
Tema Aforizma argëtuese, Kërkesë, Mirënjohje

Mirënjohja e përfituesit vështirë arrin deri aty sa të falë mirëbërësin e vet.

Giovanni Papini
Tema Bamirësi, Mirënjohje, Përfitim

E vetmja mënyrë për të arritur mirënjohjen e tjetrit është të mos e pretendojmë.

Francesco Orestano
Tema Mirënjohje, Pretendim

Kush dhuron diçka të madhe nuk gjen mirënjohje, sepse ai që merr ka tepër peshë nga dhurata e pranuar.

Friedrich Nietzsche
Tema Dhurim, Mirënjohje

Martesa është një ide krejtësisht femërore, e që mashkulli ta pranojë këtë lojë të lezetshme, na duhet t’u jemi mirënjohëse.

Phyllis McGinley
Tema Burrë, Grua, Martesë, Mirënjohje

Mirënjohja është kujtesa e zemrës.

Jean-Baptiste Massieu
Tema Kujtesë, Mirënjohje, Zemër

Mirënjohja, si disa lule, nuk rritet në lartësi, por lëshon rrënjë më mirë në tokën e përvujtërisë.

José Martí
Tema Mirënjohje, Përulësi

Askush nga ne nuk është aty ku është sepse është ngjitur vetë. Jemi këtu ku jemi, sepse dikush ka zbritur dhe na ka ndihmuar të ngjitemi.

Thurgood Marshall
Tema Mirënjohje, Ndihmë, Ngjitje, Të tjerët, Vetvetja

Sa gjë e pabesë që është mirënjohja e beftë, e cila, papritmas na shtyn të braktisim planin tonë të hakmarrjes.

Javier Marías
Tema Befasi, Hakmarrje, Mirënjohje, Pabesi

Kujdes: nuk duhet t’i jemi mirënjohës atij që pushon së qeni i padrejtë.

Marcello Marchesi
Tema Mirënjohje, Padrejtësi

Duhet t’u jemi mirënjohës personave që na lumturojnë: ata janë kopshtarët e kujdesshëm që e bëjnë shpirtin tonë të lulëzojë.

Gabriel Marcel
Tema Lumturi, Mirënjohje

Ku tjetër mund të lulëzojë miqësia, në mos mes bamirësve dhe mirënjohësve, kur të dy janë njerëz të mirë?

Alessandro Manzoni
Tema Bamirësi, Miqësi, Mirënjohje

Mirënjohja është një nga ato gjërat që nuk mund të blihen. Ajo duhet të lindë me njeriun, përndryshe as gjithë detyrimet e botës nuk mund ta krijojnë.

George Savile
Tema Detyrim, Mirënjohje

Borxhet e mirënjohjes shlyhen me antipati brenda njëzetekatër orëve.

Leo Longanesi
Tema Antipati, Borxh, Mirënjohje

Nuk mund të shpërblehet nderi me mirënjohje, por me mirësjellje.

Anne Morrow Lindbergh
Tema Mirënjohje, Mirësjellje, Ndershmëri, Shpërblim