Vdekje

Pavdekësi: gjendja e një të vdekuri që nuk beson se ka vdekur.

H. L. Mencken
Tema Përjetësi, Vdekje

Pabesia e vërtetë ndodh kur një njeri i gjallë zgjedh vdekjen e vet.

Herman Melville
Tema Pabesi, Vdekje, Zgjedhje

Dalëngadalë vdes ai që bëhet skllav i zakonit, duke përsëritur ditë për ditë të njëjtat rrugë.

Martha Medeiros
Tema Skllavëri, Vdekje, Zakon

Nëse jeta është një ëndërr, atëherë vdekja duhet të jetë çasti kur zgjohemi.

Ian McEwan
Tema Ëndërr, Jetë, Vdekje, Zgjim

Nën një qiell të pamëshirë, kujt s’i lind dëshira që t’i bashkohet sa më parë paqes së varrit?

Primo Mazzolari
Tema Mëshirë, Mizori, Vdekje

Nuk e di se ku shkojnë njerëzit që vdesin, por e di se ku mbesin.

Margaret Mazzantini
Tema Vdekje

Edhe mendimi i vdekjes tremb më pak se drita e diellit.

Paolo Maurensig
Tema Frikë, Vdekje

Është më mirë të vdesim të lumtur sesa të qurravitemi gjithë jetën.

Marcello Mastroianni
Tema Ankim, Më mirë ... se, Vdekje

Kur luan lojën e fronit, ose fiton, ose vdes. Nuk ka rrugë të mesme.

George R. R. Martin
Tema Fitore, Fron, Vdekje

Të vëzhgosh horizontin e të rrosh me shpresa është si të vdesësh duke ëndërruar.

Yann Martel
Tema Ëndërr, Horizont, Shpresë, Vdekje

Arsyeja është profeti im dhe ajo më thotë se, ashtu siç ndalet ora, ashtu vdes edhe njeriu.

Yann Martel
Tema Arsye, Profet, Vdekje

Të humbësh babanë do të thotë të humbësh atë që të ofron udhëzim dhe ndihmë, atë që të mban si trungu që mban degët.

Yann Martel
Tema Baba, Humbje, Prind, Vdekje

Vetëm djalli thotë se të gjithë duhet të vdesim.

Bob Marley
Tema Djall, Vdekje

Më mirë të vdesësh duke luftuar për liri sesa të jetosh si skllav.

Bob Marley
Tema Jetë, Liri, Luftë, Skllavëri, Vdekje

Nuk mund ta harxhosh jetën në egoizëm, përndryshe gjithçka që do të mbesë prej teje do të jetë një mori fjalësh e më pas do të vdesësh.

Bob Marley
Tema Egoizëm, Vdekje

Vdekja është thjesht një antonim i lindjes. Antonimi i jetës nuk është gjetur akoma.

Chris Marker
Tema Jetë, Vdekje

Mos jeto sikur të kishe edhe dhjetë mijë vjet jetë. Vdekja të rri mbi kokë. Sa je gjallë, sa është në dorën tënde, bëhu i mirë.

Mark Aureli
Tema Jetëgjatësi, Kohëzgjatje, Përmirësim, Vdekje

Askush nuk është aq fatlum saqë të mos ketë pranë vetes, në çastin e vdekjes, dikë që të gëzohet nga ngjarja e trishtë.

Mark Aureli
Tema Fat, Shpirtkeq, Vdekje

Mbaje mend mirë se njeriu nuk jeton jetë tjetër përveç asaj që po jeton tani, dhe nuk humbet jetë tjetër përveç asaj që po i kalon tani.

Mark Aureli
Tema Çast, Jetë, Vdekje

Kaloje këtë copëz kohe në përputhje me natyrën dhe përfundoje udhëtimin tënd me qetësi, si ulliri që bie kur piqet, duke bekuar tokën që e lindi dhe duke falënderuar pemën që e rriti.

Mark Aureli
Tema Jetë, Natyrë, Vdekje