Ligësi

E keqja nuk është vetëm e atij që e bën, por edhe e atij që mund ta ndalojë dhe nuk e ndalon.

Thukididi
Tema E keqja, Indiferencë, Ligësi

Njeriu i lig nuk është kurrë i qetë kur banon me veten e tij, sepse banon me një njeri të lig, dhe askush nuk mund t’i sjellë më shumë bezdi se vetja e tij.

Guillaume de Saint-Thierry
Tema Bezdi, Ligësi, Vetvetja

Nëse doni që sytë tuaj t’i lexojnë të tjerët, flakeni ferrën tuaj të makutërisë, mendjen e madhe, krimbin e ligësisë.

Rumi
Tema Babëzi, Ligësi, Shikim

Pothuajse të gjithë njerëzit janë kryesisht të mirë. Por mjafton pak tundim dhe ata ndryshojnë menjëherë.

Natsume Sōseki
Tema Ligësi, Mirësi

Gjaku dhe pushteti të dehin, ta vrazhdësojnë shpirtin.

Fjodor Dostojevski
Tema Gjak, Ligësi, Pushtet

Ka njerëz që u gufon zemra kur lëpijnë gjakun e tjetrit.

Fjodor Dostojevski
Tema Gjak, Ligësi, Mizori

E urrej njeriun që e ndërton të ardhmen e tij mbi rrënojat e jetës së një tjetri.

John Gay
Tema E ardhme, Fatkeqësi, Ligësi

Kur pështyn lart, pështyma do të bjerë diku.

Emmanuel Dongala
Tema Karma, Ligësi

Lotët e gruas janë mëlmesa e ligësisë së saj.

Bartolomeo nga San Concordio
Tema Grua, Ligësi, Lot

Ngrihu o popull në këmbë, haje të ligun me dhëmbë.

Arben Duka
Tema Ligësi, Popull

Po s’njohëm të ligën, s’kuptohet e mira, dhe e liga sot, ka shumë hapësira.

Arben Duka
Tema E mira, Ligësi, Njohje

Mos ia ngjesh ligësisë atë që fare mirë shpjegohet përmes idiotësisë.

Robert J. Hanlon
Tema Idiotësi, Ligësi

Gjysma e botës kënaqet duke shpifur gjëra dhe gjysma tjetër duke i besuar ato.

Charles Rivière
Tema Besim, Ligësi, Përgojim, Shpifje

Injoranca është nëna e ligësisë, zilisë, tërbimit dhe të gjitha veseve e mëkateve të tjera të liga e të shëmtuara.

Galileo Galilei
Tema Injorancë, Ligësi, Tërbim, Zili

Polotika, edhe në momentet më të mira, është një punë e ligë dhe e ndyrë.

Salman Rushdie
Tema Ligësi, Politikë, Profesion

Atij që të ligën ushqen përmbi dhe, nuk duhet t’i japësh fuqi dhe rytbe.

Saadiu
Tema Ligësi, Mbështetje

Burrave të ligj, edhe 20 xhepa të kenë, nuk iu dalin të fusin gënjeshtrat.

James Joyce
Tema Gënjeshtër, Ligësi

Zemërligjtë kanë një lumturi të zezë sterrë.

Victor Hugo
Tema Ligësi, Lumturi

Fajtor nuk është ai që bën mëkatin, por ai që mbjell terr në shpirtin e njerëzve.

Victor Hugo
Tema Fajtor, Ligësi, Mëkat

Ka njerëz të cilëve u duhet shtënë pa i lajmëruar fare, dhe as atëherë nuk e vlejnë plumbin që i shporr nga kjo botë.

Harper Lee
Tema Ligësi, Meritë, Vrasje