Mëkat

Mëkatohet edhe nga dashuria e tepërt ndaj Zotit.

Umberto Eco
Tema Dashuri, Mëkat, Zot

Ndoshta kam mëkatuar. Patjetër që kam mëkatuar. Ç’mund të bëjë tjetër një mëkatar?

Umberto Eco
Tema Mëkat

Gjumi i ditës është si mëkati i trupit: sa më shumë ke, aq më shumë do.

Umberto Eco
Tema Gjumë, Mëkat

Dallimi mes vizionit ekstazik dhe furisë mëkatare është minimal.

Umberto Eco
Tema Ekstazë, Mëkat

Çdo mëkat është rezultati i një bashkëpunimi.

Stephen Crane
Tema Bashkëpunim, Mëkat

Nëse është e vërtetë se nuk reziston dot, atëherë nuk po mëkaton me vullnet të lirë, që, sipas meje, do të thotë se nuk po mëkaton fare.

Raymond Smullyan
Tema Mëkat, Qëndresë

Nëse mëkati është çmimi i lidhjes mes nesh, jetë pas jete, atëherë unë do të mëkatoj me gëzim për t’u rikthyer gjithnjë tek ti, e dashura ime!

Marion Zimmer Bradley
Tema Dashuri, Lidhje, Mëkat

Veprat tona të mira janë shpeshherë më të dyshimta se mëkatet tona.

Marcel Aymé
Tema Dyshim, E mira, Mëkat, Vepër

Të të vijë keq për mëkatin e bërë është një gjë, të pendohesh është një tjetër.

Frederick William Robertson
Tema Mëkat, Pendim

Dëshira për madhështi është një mëkat hyjnor.

John Dryden
Tema Madhështi, Mëkat

Mëkati ka shumë mjete, por gënjeshtra ka dorezën që u përshtatet të gjithëve.

Oliver Wendell Holmes
Tema Gënjeshtër, Mëkat, Mjet, Përshtatje

Bamirësia krijon një mori mëkatesh.

Oscar Wilde
Tema Bamirësi, Mëkat

Mëkatet që kam bërë, Zoti do të m’i falë; por mëkatet që nuk kam bërë, nuk ia fal dot vetes.

Robert Hamerling
Tema Falje, Mëkat, Vetvetja

Shumica e njerëzve nuk zemërohet me mëkatin, por me mëkatarin.

Seneka
Tema Mëkat, Zemërim

Ka vetëm dy lloje njerëzish: të drejtët që e besojnë veten mëkatarë dhe mëkatarët që e besojnë veten të drejtë.

Blaise Pascal
Tema Drejtësi, Mëkat

Siç i mbulon bamirësia, ashtu modestia i parandalon një tërësi mëkatesh.

Thomas Browne
Tema Mëkat, Modesti, Parandalim

Ndrojtja është një mëkat i madh kundër dashurisë.

Anatole France
Tema Dashuri, Mëkat, Ndrojtje

Mëkatet e grave janë po aq aktakuza ndaj egoizmit, lënies pas dore dhe kotësisë së burrave të tyre.

Balzaku
Tema Burrë, Egoizëm, Grua, Mëkat

Janë vazhdimisht të njëjtat joshje e të njëjtat frikëra që hedhin short mbi fatin e mëkatarëve që lëkunden në çastin e tundimit.

Robert Louis Stevenson
Tema Frikë, Joshje, Mëkat, Tundim

Ka mëkate ose kujtime të liga që njeriu i fsheh thellë në skutat më të errëta të zemrës, por aty mbeten e aty e presin.

James Joyce
Tema Fshehje, Kujtim, Mëkat