Dobësi

Gjithmonë mund t’ia gjesh dikujt pikën e dobët tek e shoqja.

James Joyce
Tema Bashkëshortë, Dobësi

I madh është pushteti i një femre të dobët.

Nikolai Gogol
Tema Dobësi, Grua, Pushtet

Mendja e flashkët nuk mund ta mbajë jetën shtrënguar.

Victor Hugo
Tema Dobësi, Jetë

Kudo, të dobëtit urrejnë të fuqishmit para të cilëve zvarriten, ndërsa të fuqishmit i trajtojnë si dele për t’iu shitur mishin dhe lëkurën.

Volteri
Tema Dobësi, Forcë, Urrejtje, Zvarritje

Nuk ka gjë më të pahijshme se të shfaqim dobësitë tona. Mund të shkatërrojë edhe ndonjë martesë.

Balzaku
Tema Dobësi, Martesë, Shfaqje, Shkatërrim

Pamposhtmëria jonë varet vetëm prej nesh; dobësia e armikut varet vetëm prej tij.

Sun Tzu
Tema Armiqësi, Dobësi, Mposhtje

Të dobëtit s’do të hyjnë kurrë në mbretërinë e dashurisë, pasi gratë u jepen vetëm burrave të vendosur, atyre që u falin sigurinë që ato aq shumë e dëshirojnë për të përballuar jetën.

Gabriel García Márquez
Tema Burrë, Dashuri, Dobësi, Grua, Siguri, Vendosmëri

Frika e estetikës është forma e parë e dobësisë.

Fjodor Dostojevski
Tema Dobësi, Estetikë, Frikë

Periudhat e mira krijojnë njerëz të dobët; njerëzit e dobët krijojnë periudha të këqija; periudhat e këqija krijojnë njerëz të fortë; njerëzit e fortë krijojnë periudha të mira. Kjo është historia e botës që përsëritet pambarimisht.

Tony Robbins
Tema Dobësi, Epokë, Forcë, Njeri, Përsëritje

Qarja nuk tregon se jemi të dobët. Që në lindje, qarja ka qenë gjithmonë një shenjë që jemi gjallë.

Charlotte Brontë
Tema Dobësi, Gjallë, Qarje

Nëse u bëjmë ballë pasioneve tona, kjo vjen më shumë nga dobësia e tyre sesa nga forca jonë.

François de La Rochefoucauld
Tema Dobësi, Forcë, Pasion

Je i fortë kur i njeh dobësitë e tua. Je i bukur kur i vlerëson të metat e tua. Je i urtë kur mëson nga gabimet e tua.

Buda
Tema Bukuri, Dobësi, Forcë, Gabim, Mangësi, Urtësi

Shfaqu i dobët kur je i fortë dhe i fortë kur je i dobët.

Sun Tzu
Tema Dobësi, Forcë

Në renditjen e botës natyrore, vërehet një dobësi fizike e përgjithshme e femrës në raport me mashkullin.

Mary Wollstonecraft
Tema Burrë, Dobësi, Grua

Kur njerëzit janë të dobët, kërkojnë diktatura dhe pushtete të përqendruara. Vetëm të fortët mund të jenë të lirë. Dhe vetëm prodhimtarët mund të jenë të fortë.

Wendell Willkie
Tema Diktaturë, Dobësi, Forcë, Liri, Prodhim

Dy pikat më të dobëta të epokës sonë janë mungesa e parimeve dhe mungesa e imagjinatës.

Oscar Wilde
Tema Dobësi, Imagjinatë, Parim

Historia e grave është historia e formës më të keqe të tiranisë që ka njohur ndonjëherë bota. Tirania e të dobëtit mbi të fortin. Është e vetmja tirani që zgjat.

Oscar Wilde
Tema Dobësi, Forcë, Grua, Tirani

Urrejtja është një bumerang, që kthehet mbrapsht për të gjithë dhe nuk kursen askënd, as të dobët as të fortë.

Simon Wiesenthal
Tema Dobësi, Forcë, Urrejtje, Vetvetja

Ndërgjegjësimi se jemi të gabueshëm dhe vetëdija për dobësinë tonë duhet të na bëjnë njerëz më modestë e më të përulur.

Benjamin Whichcote
Tema Dobësi, Gabim, Modesti, Përulësi, Vetëdije

Duhet një guxim i madh për t’u shfaqur i dobët.

David Foster Wallace
Tema Dobësi, Guxim