Vlerë

Ç’është e vlefshme s’është e re, e ç’është e re s’është e vlefshme.

Daniel Webster
Tema Risi, Vlerë

Kush jeton në botë nuk mund të mos hetojë brenda vetes një betejë mes një mori vlerash. Ai duhet të zgjedhë se cilën prej këtyre dëshiron apo duhet të shërbejë.

Max Weber
Tema Betejë, Jetë, Vlerë, Zgjedhje

Një libër që s’ia vlen të lexohet dy herë, s’ia vlen të lexohet asnjëherë.

Jean Paul
Tema Lexim, Libër, Vlerë

Asgjë në këtë botë nuk është një vlerë absolute. Ti thjesht mund të gjykosh se cila vlerë ka një domethënie për ty.

Charles Dudley Warner
Tema Domethënie, Vlerë

E veçanta e dhuratës ka të bëjë me përshtatshmërinë e saj, jo me vlerën.

Charles Dudley Warner
Tema Dhuratë, Përshtatje, Vlerë

Nëse ke brenda teje një vlerë të vërtetë, nuk ke nevojë për një imitim të shtrenjtë e të zhurmshëm.

Denis Waitley
Tema Brendësi, Imitim, Vlerë

Vlera është brenda atij që vepron, jo tek veprimi.

Denis Waitley
Tema Veprim, Vlerë

Çfarë vlere ka një sekret që s’e njeh askush?

Friedrich Wilhelm von Seydlitz
Tema Sekret, Vlerë

Jeta ka një vlerë të madhe nëse e përbuz atë.

Heinrich von Kleist
Tema Jetë, Përbuzje, Vlerë

Tekefundit, janë marrëdhëniet mes njerëzve ato që i japin vlerë jetës.

Alexander von Humboldt
Tema Jetë, Marrëdhënie, Njeri, Vlerë

Njeriu nuk ia di kurrë vlerën një sendi, derisa e humbet.

Johann Gottfried Herder
Tema Humbje, Vlerë

Fjalët kanë vlerën që u jep ai që i dëgjon.

Giovanni Verga
Tema Dëgjim, Fjalë, Vlerë

Nuk ka lindur për lavdinë ai që nuk e njeh vlerën e kohës.

Luc de Clapiers de Vauvenargues
Tema Kohë, Lavdi, Vlerë

Falja vlen më shumë se drejtësia.

Luc de Clapiers de Vauvenargues
Tema Drejtësi, Fjalë, Vlerë

A vlen njeriu aq sa një Zot të marrë mundimin për ta krijuar?

Paul Valéry
Tema Krijim, Njeri, Vlerë, Zot

Më mirë një mik për kokë, se shumë miq që s’vlejnë një lek.

Anacharsis
Tema Më mirë ... se, Miqësi, Vlerë

Publiku është i vetmi kritik, mendimi i të cilit vërtet vlen diçka.

Mark Twain
Tema Kritikë, Mendim, Publiku, Vlerë

Ndërgjegjja zë më shumë vend se gjithë organet e tjera, e megjithatë nuk vlen për asgjë.

Mark Twain
Tema Ndërgjegje, Vlerë

Vlerësoje miqësinë nga çfarë gjendet brenda saj, jo nga ç’mund të nxirret prej saj.

Henry Clay Trumbull
Tema Interes, Miqësi, Vlerë, Vlerësim

Shkollimi ka krijuar një shumicë njerëzish që di të lexojë, por që nuk kupton dot se çfarë ia vlen të lexohet.

G. M. Trevelyan
Tema Dallim, Lexim, Shkollë, Vlerë