Luftë

Vlen më shumë një paqe relative, sesa një luftë e fituar.

Maria Theresia
Tema Luftë, Paqe

Jeta është një art që më shumë ngjason me luftën se me kërcimin, pasi duhet gjithmonë të gjendemi gati kundrejt goditjeve që na vijnë papritur.

Mark Aureli
Tema Art, Jetë, Luftë

Lindim që t’i shpallim luftë vdekjes e të mposhtemi prej saj.

Marcello Marchesi
Tema Lindje, Luftë, Vdekje

Luftërat e bëra pa një arsye na qenkëshin të padrejta.

Alessandro Manzoni
Tema Arsye, Luftë, Padrejtësi

Lufta s’i bie përshtat askujt, përndryshe do ta quanin paqe.

Nino Manfredi
Tema Luftë, Paqe

Fitorja e humbja janë çaste që kalojnë, ndërsa kurrë nuk reshtet së luftuari.

Gianfranco Manfredi
Tema Fitore, Humbje, Luftë

Në njëfarë pike, s’të mbetet tjetër veçse t’i përgjigjesh zjarrit me zjarr.

Nelson Mandela
Tema Luftë, Zjarr

Në jetën e secilit komb vjen përherë një çast në të cilin mbesin vetëm dy mundësi: dorëzimi ose lufta.

Nelson Mandela
Tema Dorëheqje, Komb, Luftë, Zgjedhje

Nëse dikush ka luftuar një ditë të vetme, mund të tregojë mijëra histori lufte. Kush ka dashuruar një femër të vetme, mund të tregojë mijëra histori dashurie. Por kush nuk ka jetuar me dashuri e dhimbje, nuk mund të shpikë asgjë, përveç fjalëve boshe.

Luigi Malerba
Tema Dashuri, Luftë, Sajesë

Luftën, është shumë më e vështirë ta humbasësh se ta fitosh. Të gjithë dinë ta fitojnë luftën, por pak dinë ta humbasin.

Curzio Malaparte
Tema Fitore, Humbje, Luftë

Mendohet se luftohet e vuhet për shpirtin vetjak, por në fakt, luftohet e vuhet për lëkuren vetjake.

Curzio Malaparte
Tema Lëkurë, Luftë, Shpirt, Vuajtje

Kur njerëzit të mos luftojnë më për nevojë, do të luftojnë për ambicie.

Niccolò Machiavelli
Tema Ambicie, Luftë, Nevojë

Në luftë, disiplina arrin më shumë se tërbimi.

Niccolò Machiavelli
Tema Disiplinë, Luftë, Tërbim

Lufta është një zanat me të cilin njeriu nuk ka si të jetojë ndershmërisht.

Niccolò Machiavelli
Tema Luftë, Ndershmëri, Profesion

Është fatale të marrësh pjesë në cilëndo luftë nëse nuk zotëron vullnetin për ta fituar.

Douglas MacArthur
Tema Fitore, Luftë

Në luftë nuk ka zëvendësues të fitores.

Douglas MacArthur
Tema Fitore, Luftë, Zëvendësues

Ushtari lutet për paqe më shumë se kushdo tjetër, sepse është ai që do t’i mbajë plagët dhe mbresat më të thella të luftës.

Douglas MacArthur
Tema Luftë, Paqe, Plagë, Ushtar

Problemi i luftës dhe i paqes do të ndryshojë krejtësisht ditën kur femrat do të kontribuojnë aq sa meshkujt në fatin e njerëzimit. Nënat dhe gratë kanë vetëm një përgjigje për këtë problem: paqe.

Sophia Loren
Tema Burrë, Grua, Luftë, Nënë, Paqe

Kur populli lufton për liri dhe fiton, rrallëherë arrin ndonjë gjë, përveçse pronarë të rinj.

George Savile
Tema Liri, Luftë, Popull, Pronar

Nuk ekziston një mënyrë e ndershme për të vrarë, as një mënyrë e sjellshme për të shkatërruar. Lufta nuk ka asnjë të mirë, përveç fundit të saj.

Abraham Lincoln
Tema Fund, Luftë, Mirësjellje, Shkatërrim, Vrasje