E ardhme

Nesër nuk do të jemi, as ai që ishim, as ky që jemi.

Ovidi
Tema E ardhme, Vetvetja

Ka nga ata që nuk jetojnë të tashmen, por bëhen gati për ndonjë jetë tjetër; e ndërkaq koha kalon e nuk kthehet më.

Antifonti
Tema E ardhme, E tashme, Kohë

Nëse do që e ardhmja të jetë më e mirë se e shkuara, studjo të shkuarën.

Baruch Spinoza
Tema E ardhme, E shkuar, Studim

Njerëzit nuk arrijnë gati kurrë të jenë të lumtur, sepse e shohin të shkuarën gjithmonë më të mirë nga ç’ishte, të tashmen më të keqe nga ç’është dhe të ardhmen më të ngrysur nga ç’do të jetë.

Marcel Pagnol
Tema E ardhme, E shkuar, E tashme, Lumturi

Sa keq që brezat e ardhshëm s’mund të jenë këtu për të parë të gjitha gjërat e mrekullueshme që po bëjmë me paratë e tyre.

Earl Wilson
Tema Brez, E ardhme, Para, Shpenzim

Kush e di si puna siellet: sod asht vrântë e nesër kthíellet.

Gjergj Fishta
Tema E ardhme, E tashme, Mister, Shpresë

E ardhmja është diçka që shumica e njerëzve e do vetëm kur bëhet e shkuar.

W. Somerset Maugham
Tema Dëshirë, E ardhme, E shkuar

Sekreti është përgjigjja e çdo gjëje që është, që ka qenë dhe që do të jetë.

Ralph Waldo Emerson
Tema E ardhme, E shkuar, Gjithçka, Përgjigje, Sekret

E ardhmja është një garë, një garë mes arsimimit dhe katastrofave.

H. G. Wells
Tema Arsim, E ardhme, Garë, Katastrofë

Lër që ëndrrat e sotme të jenë realiteti yt i nesërm.

Prevale
Tema E ardhme, E tashme, Ëndërr, Realitet

Shmang të shkuarën, jeto të sotmen, parapriji të ardhmes.

Prevale
Tema E ardhme, E shkuar, E tashme

Nuk mund të ndryshosh të shkuarën, por mund të jetosh më mirë sot, nëse bën ç’mundesh për një të ardhme më të mirë.

Prevale
Tema E ardhme, E mira, E shkuar, E tashme, Ndryshim

Kur e ardhmja është pa shpresa, e tashmja merr shije varri.

Émile Zola
Tema E ardhme, E tashme, Shpresë

E shkuara dhe e ardhmja janë koncepte: jeta duhet jetuar në çast.

Nina Zilli
Tema E ardhme, E shkuar, E tashme, Jetë

Ndodhet gjithmonë një mur mes iluzionit dhe të ardhmes.

Renato Zero
Tema E ardhme, Iluzion, Mur

Ç’do të ndodhë me borën në oborr, çdo të ndodhë me zgjedhjen e lirë dhe me fatin, e me atë që ka humbur rrugën?

Andrea Zanzotto
Tema E ardhme, Humbje, Liri

Nëse më heq shpresën se unë mund të ndryshoj të ardhmen, do të më bësh të çmendem.

Israel Zangwill
Tema Çmenduri, E ardhme, Ndryshim, Shpresë

Gjuha ndërkombëtare e brezave të ardhshëm do të jetë absolutisht dhe vetëm një gjuhë e planifikuar.

L. L. Zamenhof
Tema E ardhme, Gjuhë

Një ditë, nipërit tanë do të shkojnë në muze për të parë se çfarë ishte varfëria.

Muhammad Yunus
Tema E ardhme, Pasardhës, Varfëri

Pjesës dërrmuese të botës, të drejtat civile dhe politike i ngjajnë si një luks i një të ardhmeje të largët.

Andrew Young
Tema E ardhme, E drejtë, Luks