Askush nuk përgojon virtytet sekrete të të tjerëve.

Bertrand Russell
Tema Përgojim, Të tjerët, Virtyt

Sa i hollë është dallimi mes farës së virtyteve dhe asaj të veseve tona!

Vittorio Alfieri
Tema Ves, Virtyt

Shumë gra shtiren të virtytshme për t’i rritur vlerën mëkatit.

Ferdinando Fontana
Tema Grua, Mëkat, Virtyt

Virtytet e njeriut skuqen dhe zbehen përballë instinktit të mbijetesës.

Dumitru Găleșanu
Tema Mbijetesë, Virtyt

Shpesh e shohin virtytin më pak te heqja dorë nga kënaqësitë sesa te pendimi për to.

Claude-Prosper Jolyot de Crébillon
Tema Dorëheqje, Kënaqësi, Pendim, Virtyt

Sa më pak mendon ose di një njeri për virtytet e veta, aq më shumë na pëlqen.

Ralph Waldo Emerson
Tema Pëlqim, Vetëdije, Virtyt

Virtyti nuk është i domosdoshëm për një emër të mirë, por emri i mirë e ndihmon virtytin.

Ambrose Bierce
Tema Domosdoshmëri, Emri i mirë, Virtyt

Virtyt është t’i shmangesh vesit; fillimi i urtësisë është të çlirohesh nga marrëzia.

Horaci
Tema Marrëzi, Urtësi, Ves, Virtyt

Mirënjohja nuk është vetëm virtyti më i madh, por edhe nëna e të gjitha virtyteve të tjera.

Ciceroni
Tema Mirënjohje, Virtyt

Miqësia është dhënë nga natyra për të ndihmuar virtytet, jo për të shoqëruar veset.

Ciceroni
Tema Miqësi, Ves, Virtyt

Lumturia e përsosur nuk është shpërblimi i virtytit, por vetë virtyti.

Baruch Spinoza
Tema Lumturi, Virtyt

Fatkeqësisht, ata që flasin keq për ne, pothuajse gjithmonë flasin mjaft bukur, ndërsa ata që flasin mirë për ne, pothuajse gjithmonë flasin mjaft keq.

Giovanni Papini
Tema Përgojim, Të folurit