Njerëzit mërziten nga gjithçka, e së pari nga gjërat që u pëlqejnë më shumë. George Bernard Shaw 1856–1950 Tema Mërzi, Pëlqim
Të afërmit janë thjesht një tufë njerëzish të mërzitshëm, që nuk kanë as idenë më të vogël se si të jetojnë, as instinktin më të vogël se kur të vdesin. Oscar Wilde Tema Aforizma argëtuese, Mërzi, Të afërm
I vetmi ndikim që një grua mund të ketë mbi një burrë është ta mërzitë aq shumë, saqë t’i heqë çdo interes për jetën. Oscar Wilde Tema Burrë, Grua, Interes, Jetë, Mërzi, Ndikim
Jeta është e shkurtër, prandaj është marrëzi ta kalosh duke bërë vetëm atë që nuk të pëlqen. Yamamoto Tsunetomo Tema Jetëgjatësi, Marrëzi, Pëlqim
Është e pamundur t’i pëlqesh turmës, veç po u bëre një gjellë e stisur ose një verë e ëmbël. Bioni i Boristenit Tema Pëlqim, Turmë
Shpesh i falim ata që na mërzitin, por nuk mund t’i falim ata që mërziten me ne. François de La Rochefoucauld Tema Mërzi, Të tjerët, Vetvetja
Shpesh virtytet tona pëlqehen e lëvdohen vetëm ngaqë të metat tona ua frenojnë shkëlqimin. Joseph Joubert Tema Lëvdatë, Mangësi, Pëlqim, Virtyt
Buzëqeshja e personit që duam është i vetmi ilaç i vërtetë kundër mërzisë. Nicolás Gómez Dávila Tema Buzëqeshje, Dashuri, Mërzi
Mjafton hijeshia e beftë e një buzëqeshjeje të mençur për të fshirë shtresat e mërzisë së grumbulluar prej ditësh. Nicolás Gómez Dávila Tema Buzëqeshje, Mërzi
Është e vështirë të durojmë edhe vetëpëlqimin tonë. Imagjino atë të të tjerëve. Elias Canetti Tema Pëlqim, Të tjerët
Kur punon me zell, koha ikën pa e kuptuar. Që të jetosh gjatë, duhet të mërzitesh. Fausto Melotti Tema Kohë, Mërzi, Punë, Zell
Një burrë i hareshëm në moshë të mesme është më pak qesharak se një i ri turivarur. Marcello Marchesi Tema Hare, Mërzi, Moshë
